Hvað er grín og hvað er ekki grín ?

Eftir að ég skrifaði grein í Morgunblaðið um fríríkið Vestfirði og birtist sl. miðvikudag, þá hafa margir haft samband, bæði með símtölum og tölvupósti.  Sumir hafa lýst yfir stuðningi við hugmyndir BBV-Samtakanna, en aðrir talið þetta vera rugl og þetta væri ekki ný hugmynd en aldrei hefði orðið úr framkvæmdum og jafnvel hlegið að slíkum hugmyndum.  En eitt er að hugsa og láta sig dreyma og annað að framkvæma.

Ég ætla aðeins að svara þessari gagnrýni og er nákvæmlega sama þótt einhver hlægi að mér.  Í fyrsta lagi þá er full alvara á ferðinni hjá þessum samtökum og þetta mun verða framkvæmt.  Eitt af því sem hefur verið nefnt er að ég hafi í grein minni ekki upplýst um hverjir hinir erlendu aðilar væru sem ætla að hjálpa okkur við þetta.  Því er til að svara að slíkt er ekki hægt fyrr en samningar hafa verið gerðir og allt frágengið.  Að ætlast til þess af mér að ég gefi þetta upp er álíka og ef pókerspilari væri beðinn að sína spil sín áður en spilafélagarnir færu að leggja undir peninga.

Þegar Ísland var að reyna að fá sjálfstæði frá Dönum, skiptist þjóðin í tvær fylkingar, þ.e. þeir sem vildu óbreytt ástand og þeir sem vildu sjálfstæði.  Ef ég man rétt mun Ísland hafa fengið heimastjórn 1904 og fyrsti ráðherra var Hannes Hafstein fyrrum sýslumaður á Ísafirði og sá maður sem harðast barðist fyrir sjálfstæði var Jón Sigurðsson frá Hrafnseyri við Arnarfjörð.  Heldur fólk að það hafi verið tilviljun að báðir þessir menn voru Vestfirðingar. 

Nei ástæðan var sú að á Vestfjörðum hefur alltaf búið duglegasta og gáfaðasta fólkið og er þar einn fjársjóðurinn til viðbótar öllum hinum.

Ég er með á skrifborði mínu nokkur hundruð tölvubréf frá erlendum aðilum, sem eru að bjóðast til að koma með starfsemi og fjármagn til Vestfjarða og eru nú þegar kominn tilboð um yfir 1.000 störf.  Á næsta ári verður hafist handa og skipaskurðurinn grafinn og í framhaldi af því koma störfin eitt af öðru.  Það munu milljarðar streyma til Vestfjarða á næstu árum og gríðarleg uppbygging.  Það koma erlendir bankar, tryggingafélög, hótelrekstur og allskonar þjónusta.

Ég er líka með mörg bréf frá heimsfrægu, moldríku fólki, sem vill flytja til Vestfjarða ef tekst að stofna fríríkið og þetta verður skattaparadís.  Eins og ég sagði áðan þá er ekki sanngjarnt að óska eftir að ég upplýsi þetta opinberlega á þessu stigi.  Við verðum að fá frið til að vinna þetta rétt og vanda hvert skref.  Framundan er gríðarleg vinna og ég sem er í fullu starfi kemst varla yfir þetta.

Það er staðreynd að þótt álíka hugmynd hafi komið fram áður og ekkert orðið  framkvæmdum þýðir það ekki að hugmyndin sé dauð.  Það vantar bara kjark og þor að hrinda þessu í framkvæmd.  Það hefur áður verið hlegið að góðum hugmyndum og er þess að minnst að á sínum tíma fjölmenntu bændur til Reykjavíkur til að mótmæla komu símans til Íslands og vildu heldur Mors-samskipti.  Er fólk að hlægja að því í dag að síminn kom til landsins?.  Einnig má benda á að á sínum tíma mótmælti einn ákveðinn þingmaður því harðlega að skipt yrði úr svart/hvítu sjónvarpi yfir í litasjónvarp.  Er fólk að hlægja að því í dag að sú breyting var gerð?. 

Við í undirbúningshópnum höldum okkar striki, þrátt fyrir gagnrýni og við erum ekki skemmtikraftar og þeir sem vilja hlægja, skal bent á að fara í leikhús til þess.

Við erum ákveðin í að framkvæma þetta og hið nýja fríríki Vestfirðir verður að veruleika fyrr en ykkur grunar.  Úrtöluliðið verður bara að finna sér eitthvað annað til að nöldra yfir.  Nú er það svo að á Íslandi eru efnahagsmálin öll í rúst og því best að losna frá þeirri vitleysu allri.  Það er gömul saga og ný að vitleysingar stjórna eins og vitleysingar og þess vegna er ástandið á Íslandi eins og það er í dag.

Það eina sem við förum fram á að fá frið til að vinna okkar vinnu við að stofna fríríkið Vestfirðir sem kemur og fyrr skal ég dauður liggja en að gefast upp.

Frírkið vestfirðir skal verða að veruleika hvað sem það kostar

Jakob Kristinsson

Athugasemdir

[Rósa Aðalsteinsdóttir, 29.3.2008 kl. 12:05]

Sæll Jakob hetjan okkar.

Mögnuð grein, þú ert frábær penni. Ef ég væri að gera samninga við einhvern um stofnun fyrirtækis myndi ég ekki láta fólk vita af þeim feita bita því þá gæti það orðið tjón fyrir mig og ég myndi missa feita bitann yfir til t.d. Baugsfeðga.

Við þessa grein er engu við að bæta því hún segir allt sem segja þarf.

Vér mótmælum allir eins og Jón Sigurðsson sagði á 19. öld.

Á meðan utanríkisráðherra Íslands veifar sjálfstæði okkar og við erum til sölu fyrir þá sem býður hæðst þá sendir hún og ríkistjórn Íslands stuðningsyfirlýsingu við lítið hérað Kósóvó sem vildi kljúfa sig frá Serbíu. Sorglegt að forráðamenn okkar skuli ekki sýna forfeðrum og formæðrum okkar meiri virðingu en þau börðust fyrir lýðræði sem hefur verið blessun fyrir okkur. Ríkisstjórnin kann ekki gott að meta og ríkisbubbar vita að þeir geta grætt enn meira ef við göngum í ESB. Við þurfum að losna úr klónum á þessu liði.

Okkar tími er kominn. Rífum okkur laus úr gini Risana í Reykjavík

"Vér mótmælum allir." sagði hetjan okkar Jón Sigurðsson. Hann var úr Arnarfirði sem nú er á vogaskálum margra olíufursta sem ættu að flytja til Rússlands eða Síberíu. Þar geta þeir drullumallað með sína olíu í friði allavega fyrir mér.

Baráttukveðjur fyrir Frí-ríkinu Vestfjörðum

[Ásthildur Cesil Þórðardóttir, 30.3.2008 kl. 15:57]

Hef engu hér við að bæta, góð grein Jakob minn.  Við skulum vinna áfram að þessu góða máli.  

Af því að þú minnist á Kosovo.

Ég var með serbneska tengdadóttur hér um páskana, hún sagði að Kosovo hefði verið serbneskt land, en svo fluttu nokkrir muslimar þangað inn fyrir 200 árum.  Þjóðfélagið sætti sig við þann innfluttning, sem er svo sem í lagi, nema að þeir sem aðfluttir voru eignuðust 10 börn á meðan serbarnir áttu 2, svona gekk þetta og þegar serbi flutti burtu komu Albanir í staðinn.  Loks var svo komið að útlendingarnir voru orðnir fleiri en serbarnir, og þá kröfðust þeir eignar á landinu.  Þetta gæti gerst hvar sem er.  En maður getur svo sem skilið Serba að vera reiðir. 

[Aida., 1.4.2008 kl. 15:58]

'Eg segi bara Amen og Hallelúja fyrir því.

''Eg bið fyrir þér í Jesú nafni.Amen.

Fríríkið Vestfirði,Hallelúja.

[Jakob Kristinsson, 2.4.2008 kl. 18:17]

Þetta er mjög fróðlegt Ásthildur og hvenær heldir þú að allir þeir pólverjar sem hafa sest að á Vestfjörðum á undanförnum árum og fara að fjölga sér á meðan íslendingum fækkar, krefjist að hafa bara Vestfirði fyrir sig.  Við komumst aldrei upp með það íslendingar að búa til borgríki á suðvesturhorninu og leggja annað í eyði.  Það eru stórir þjóðfélagshópar víða um heim nánast landlausir.  Svo finnst íslendingum allt í lagi að leggja  landsbyggðina í rúst.  Hvað ætlum við að gera ef fólk af allskonar þjóðarbrotum fer að hópast til landsins og heilu þorpin standa auð.  Við getum nefnilega akkúrat ekkert gert og verðum að horfa á að erlent fólk hirði af okkur Ísland.  Þá verður það eina sem ríkisstjórnin getur gert er að segja; "Sorry Stína, þetta átti ekki að fara svona"  En þá verður það sennilega of seint.  Við erum nú þegar komin með erlent fólk inn á Alþingi og því á eftir að fjölga.